Punt 1 - net om 'n 'Blog' te begin is 'huge' vir my - ek is redelik tegnologies gestremd, met geen intense behoefte om my vaardighede te verbeter nie. So, om hierdie eerste 'post' te 'create' het 'n rukkie geneem...
Punt 2 - hierdie 'Blog' is vir myself vir 'n paar redes:
* Om stoom af te blaas as dinge rof raak
* Om myself op die skouer te klop so nou en dan as ek wonder bo wonder iets regkry
* Om soms net bietjie afstand oor 'n sekere saak te kry - as mens dit neerpen en dan vanuit 'n ander hoek kyk, kry jy dalk 'n ander perspektief.
* Om die 'ware' storie te hou vir eendag. Vir eendag, as seuna dalk met vrae staan wat hy graag beantwoord wil he. (Ek het 'n uiters slegte geheue, toe dog ek maar ek begin nou neerskryf)
* Dalk, net dalk is daar ander ouers (mammas EN pappas) wat ook in hierdie alleen-ouer bootjie is en soms ook voel of hulle stadig besig is om te sink en die asem bietjie min raak. Dalk kan ons mekaar inspireer sodat ons genoeg krag kan he om NET VIR VANDAG aan te gaan en NET VIR VANDAG daardie verskil in ons kinders se lewe maak.
* Hierdie Blog is ook om my te help om 'n naby pad met my Hemelse Vader te stap en nooit te vergeet dat Hy nie net vandag by my is nie, maar ELKE DAG VAN MY LEWE.
No comments:
Post a Comment